தற்போது கம்ப்யூட்டரில் பயன்படுத்தப்பட்டு வரும் கீபோர்டு பழைய டைப்ரைட்டரின் மாடலின் அடிப்படையில் அமைக்கப்பட்டுள்ளது . 130 ஆண்டுகளுக்கு முன்பே டைப்ரைட்டர் கண்டுபிடிக்கப்பட்டது .
ஆரம்பகால டைப்ரைட்டரில் கீக்களுக்கு கொஞ்சம் அழுத்தம் கொடுத்தால்தான் , அது கார்பனில் பட்டு எழுத்து அச்சாகும் . நமது விரல் ஒவ்வொன்றின் அளவுகள் வேறுபடுகின்றன . மேலும் அதன் அழுத்த சக்தியும் விரலுக்கு விரல் மாறுபடுகின்றன .
இதை மையமாக வைத்து தான் தற்போது பயன்படுத்தி வரும் லேஅவுட்டை , 1878-ம் ஆண்டு கிரிஸ்டோபர் ஷோல்ஸ் என்பவர் கண்டுபிடித்தார் . இந்த லேஅவுட்டிற்கு " QWERTY " ( குவார்டி ) என்று பெயர் . கீபோர்டின் இடது முனையில் மேல் வரிசையில் ஆரம்பிக்கும் முதல் 6 எழுத்துக்களை இந்த லேஅவுட்டிற்கு பெயராக வைத்துள்ளார்கள் .
நமது விரலின் தன்மைக்கேற்ப இந்த லேஅவுட் அமைக்கப்பட்டுள்ளது . எந்த எழுத்துக்கள் அதிகம் பயன்படுத்தப்படுகிறதோ அந்த எழுத்துக்களை அழுத்தம் அதிகம் கொடுத்கும் விரல்களில் படும்படி இந்த லேஅவுட் அமைக்கப்பட்டுள்ளது .
தற்போது உலகம் முழுவதும் ஆங்கில மொழியில் இயங்கி வரும் கீபோர்டில் " QWERTY " லேஅவுடில் ( சில எழுத்து மாறுதல்களுடன் ) பயன்படுத்தி வருகிறாம் .
--- தினமலர் கம்ப்யூட்டர் மலர் . 22 - 12 - 2008 .
No comments:
Post a Comment