ஏதாவது புழு, பூச்சி உண்டா?

திருமணமாகி சில மாதங்கள் கடந்த பெண்ணைப் பார்த்து, "என்ன, ஏதாவது புழு, பூச்சி உண்டா?" என்று சில வயதான பெண்கள் கேட்பதுண்டு. புழு, பூச்சி என்றால் என்ன பொருள்?. 'புழு' என்றால் ஆண் குழந்தையைக் குறிக்கும். புழு ஒரு இடத்துக்குள்ளேயே சுற்றிச் சுற்றி வரும். ஆண் குழந்தைகள் பிறந்த வீட்டிற்குள்ளேயே தான் வாழ்வார்கள். 'பூச்சி' என்பது பெண் குழந்தையைக் குறிக்கும். பூச்சிக்கு சிறகு முளைத்ததும் வேறு இடத்திற்கு பறந்து விடும். பெண்களும் வயது வந்ததும் வேறு வீட்டிற்குப் போய்விடுவார்கள். ஏதாவது குழந்தைகளுக்கு வழி உண்டா? என்பதைத்தான் மேற்படி உண்டா? என்று கேட்கிறார்கள்.

பேராசிரியர் பா.நமச்சிவாயம். நன்றி (குமுதம் 22-06-1989).